Петропавл әкімдігі мұздан мүсін жасауға 75 миллион теңге бөлді. Бұл туралы «Астана» арнасы хабарлады.

Мүсін қалада бес жерге қойылады.

Бұл сомаға бес сырғанақ, 44 мұз мүсін және мұздан жасалатын түрлі конструкция мен жарықтандыру жасалады,

дейді Петропавл қаласының тұрғын үй коммуналды шаруашылық, жолаушылар транспорты мен автожолдар бөлімінің баспасөз хатшысы Әсем Айтулова.

Алайда қала тұрғындары бұл шығынның орынсыз екенін айтты.

Меніңше, бұдан басқа да қаржы бөлетін дүние бар. Мәселен, жылу мәселесі. Әрине, мұндай заттар балалар үшін керек, десе де қарапайым түрде жасауға болады,

деді қала тұрғыны.