Тәжірибелі идеолог Ержан Бабақұмаров осы жауапкершілікке лайықты екен. Ақорданың артындағы аулаларда осындай шешім қабылданды деп хабарлады, DALA INSIDE дереккөзі.

Осы себеппен Ержан Бабақұмаров Орталық коммуникациялар қызметі басшысы лауазымынан босатылған. Ол еш жерде ресми отырмағандықтан сайлаумен емін-еркін айналыса алады және фрилансер-политтехнолог ретінде оған шектеу болмайды. Ерлан Қарин олай еркін қимылдай алмас еді, сондықтан ол және басқа да кеңесшілер Бабақұмаровты жөн деп тауып отыр.

Бастысы Бабақұмаров нәтиже көрсету керек. 2019 жылғы сайлаумен де Бабақұмаров айналысқан болатын. Сол кезде «Қосанов» факторын есепке алмасақ, әрине ол нәтиже көрсете білді. Бабақұмаров сайлауды сәтті өткізсе, Ақпарат және қоғамдық келісім министрі креслосына отыру мүмкіндігі де талқылануда. Қазіргі жаңа министр транзитті, уақытша фигура болмақ.

Қазақстан соңғы 15 жылда идеологтар дефицитін бастан кешіп келеді. Тажин кеткеннен кейін бұл салада Қарин мен Бабақұмаров қана қалды. Бәрін қамтуға олардың қуаты жетпей жатыр. Айдос Сарым толыққанды идеологқа айнала алмады. Ресей мен Украина политтехнологтарын шақыру пайдадан көрі, керісінше зиянын тигізетінін уақыт дәлелдеді. Өздері Марат Тажиннің мектебінен өткен Қарин де, Бабақұмаров та шәкірт тәрбиелеген жоқ. Бұл стратегиялық қателік еді. Ертең олар пенсияға кеткенде идеологияға кім жауап беретіні мүлде түсініксіз.

Бабақұмаров КазГУ түлегі. Ішкі саясаттағы жұмысын Алматы әкімдігінен бастады. Одан кейін Президент әкімшілігінде иснпектор болды. Артынан мансабы өсіп Ақпарат вице-министрі, Премьер кеңсесі басшысының орынбасары, Алматы әкімінің орынбасары қызметінде жүрді. Соңғы жұмыс орны — кезінде өзі Бағлан Майлыбаевпен бірге құрған Орталық коммуникациялар қызметі болды.