Ресейдегі сүт өнеркәсібіндегі дағдарыстың күшеюі Қазақстанның кем дегенде солтүстік аймақтарына әсер етеді.

Бұл туралы танымал агросарапшы Кирилл Павлов өзінің Facebook парақшасында айтты. 

Сөзбе-сөз:

 «Сүт өнеркәсібіне көбірек көңіл бөлуіміз керек.

Ресейде, сүт өндірушілер одағының директоры Артем Беловтың айтуынша, күрделі жағдай орын алды: өндірістің айтарлықтай өсуі байқалады, алайда бұған қоса импорт азайып, сұраныс айтарлықтай төмендеді, нәтижесінде бұл бағаға әсер етті.

Шағын өндірушілер жабылу алдында тұр – бұл тек уақыт еншісінде.

Белов бір-екі айдан кейін нарық теңгерімге келетінін, бірақ дәл сол кезде жеке қосалқы шаруашылықтарда сүт өндірісі басталатынын, демек сату одан бетер төмендейтінін мәлімдейді.

Сондықтан ресейлік сүт өндірушілері не жаңа нарықтар табады, не өндірістің өсуін азайтады (бұл екіталай).

Мүмкін олар біздің шекара маңындағы аймақтардағы сөрелерімізге түседі, бірақ олар бізде онсыз да импортқа толы.  Және көбіне ресейлік импорт.  Ал енді дәл осы аймақтардағы өндірушілер үшін оңай болмайды.  Кішілері мүлде аман қалуы екіталай. Олар сөрелерден орын босатып қалар.

Сауэрдің өзі, әрине, бәсекеге төтеп береді, бірақ оңай болмасы анық, ал енді Зенченкоға «ірі» болса да өте қиын болуы мүмкін, өйткені ол дәл шекарада орналасқан. Ал дизельдік отынның қазіргі бағасымен Астанаға логистика да оңай емес.

Тағы да солярканың қымбаттауы осы жылдың өзінде жем-шөп бағасын қымбаттатады.  Бір қуантатыны – жақсы жауын-шашын уәде етілуде, бірақ бұл жеткіліксіз, ал билік әлі де бүлдіріп үлгереді.

Егер біз азық-түлікке тәуелсіз болғымыз келсе, бірдеңе істеуіміз керек, жаңа сүт-тауарлы фермалар ашуға және табыстыларын кеңейтуге ынталандыруымыз керек, ал шардап шегуі мүмкіндеріне көмек көрсетуіміз қажет. Және қайтсе де бағаны фермер деңгейінде ұстауға болмайды. Әйтпесе нарықты импортқа бере салуға болады.