АҚШ президенті Джо Байден Киевтегі сапарынан кейін 21 ақпанда Варшавада сөз сөйледі деп хабарлайды Stan.kz ақпарат агенттігі «Голос Америки» арнасына сілтеме жасап.

Ақ үйдің басшысы ресейліктерге  АҚШ пен Еуропа елдері Ресейді жойғысы келмейтінін мәлімдеді.

“Батыс Путин айтқандай Ресейге шабуылдайын деп жатқан жоқ. Бұл –  соғыс біздің қажеттілік емес, бұл – қасірет. Мұны Путин таңдады. Күнде болып жатқан соғыстардың бәрі – Путиннің таңдауы”, – деді АҚШ басшысы.

АҚШ президенті Ресейдің Украинада «жиіркенішті» әрекеттер жасап жатқанын айтты және «автократтардың тәбетін қанағаттандырмай, оларға қарсы тұру керек екенін түсіндірді. Украина аумағында әскери қылмыс жасағандардың барлығын жауапқа тартуға уәде берді.

«Ресей ешқашан Украинаны жеңе алмайды. Ешқашан», – деді ол.

Ресей НАТО елдерінің біріне шабуыл жасаса, бұл бүкіл одаққа шабуыл ретінде қарастырылатыны ескертілді. 

Байден Украинаға әскери және гуманитарлық көмек көрсетуді жалғастыратынын атап өтті.

«Украинаның егемендігін қорғауға тура келді және біз оны жасадық. Иә, біз демократияны қорғауымыз керек еді және біз мұны орындадық», – деді америкалық көшбасшы.

Байденнің айтуынша, Путин Украинаны жете бағаламады. 

“Путин демократияны әлсіз деп ойлады, алайда еркін елдердің қаһарына тап болды», – деп атап өтті Байден.

АҚШ пен оның серіктестері осы аптада Ресейге қарсы жаңа санкциялар жариялайды.