Солтүстік Қазақстан облысы Булаево қаласында 14 жасар қыз зорланды. Бейресми мәліметтерге сәйкес күдікті бұрын сотталған. Полиция қылмыстық оқиғаны растап отыр. Жапа шегушінің жағдайы белгісіз.

15 ақпанда СҚО Мағжан Жұмабаев ауданы полиция бөлімінің кезекші бөліміне Булаев қаласындағы үйлердің бірінде 14 жасар қыздың зорланғаны туралы хабарлама келіп түсті. Аталған факті ҚР ҚК 120-бабы 1-тармағының 3-1-бөлігі «Зорлау» бойынша Сотқа дейінгі тергеп-тексерулердің бірыңғай тізілімінде тіркелді,

делінген СҚО Полиция департаментінің баспасөз қызметі жолдаған хабарламада.

Полиция қызметкерлері Булаев қаласының 23 жастағы тұрғынын анықтап, ұстады. Қазіргі уақытта ол уақытша ұстау изоляторына қамалды.

ҚР ҚПК-нің 201-бабына сәйкес өзге ақпарат жария етілмейді. Азаматтардан тек тексерілген, расталған ресми ақпаратқа назар аударуды сұраймыз,

делінген хабарламада.

Аталған факті бойынша тиісті сараптамалар тағайындалды, істің мән-жайын зерделеуге бағытталған қажетті тергеу әрекеттері жүргізілуде, олардың нәтижелері бойынша заңды процессуалдық шешім қабылданатын болады.