Бүгін депутаттар мәжілістің отырысын өрт қылды, иә.

Көптен бұлай көсілмеген еді, не түрткі болды екен? 

Негізі мәжілістің сәні қазір Абзал Құспан, Бақытжан Базарбек, Ринат Заитов, Қазыбек Иса, Мақсат Толықбай,  Саиров Ерлан,  Нартай Сарсенгалиев бастаған жігіттерде. Оларсыз мәжілістің шоғы тұтанбайды, оты жанбайтындай.

Бүгін олардың біразы сақалды сәләфтарды да,  самұрықтың сорғыш басшыларын да әбден сыбады. Қазанды қаспағымен қоса жалап жатқан Самұрық қазынаның мешкей менеджерлері НӘН кезінде қалыптасқан, сумақай қылықтарын әлі тоқтатпапты ғой. Тоқаев былтыр қорды тарту туралы да айтып еді, ақыры аяқсыз қалды.

Самұрыққа қарайтын кәсіпорынның басшысы өзіне 74 млн теңге бонус алса, басшылық құрам 274 млн теңге жаздырып алған. Жомарт бастығы кім деген екен?

Самұрыққа қарасты тағы бір еншілес компания табыста тоқырауға ұшырап, 61 млн теңге жылдық кірісі болса да,  менеджер құрам 336 млн теңге сыйақы алған. Бір жылда тонаған табыстары.

Ал анау жалғыз монополист қазақтелеком дегеннің үш-төрт бастығы 422 млн теңге премия алған.

Тонасаң ұлттық компанияны тонап, самұрықты сорып,  сәләфтардай сұңқылдай сайрап жүрсең өлмей өрлейтін болып тұрсың ғой.

деп жазыпты Әмірболат Құсайынұлы.