Ресейлік тележүргізуші Владимир Соловьев өзінің онлайн бағдарламасында эфирде Қазақстанға қарсы арандатушылық мәлімдемелер жасаған саясаттанушы Дмитрий Дробницкийдің сөздеріне қатысты ҚР СІМ білдірген сынына жауап берді.
Соловьев тек «болжам жасады» деген саясаттанушы қазір сынның астында қалғанын айтып шағымданады. Ол екі ел (Қазақстан мен Ресей) мен олардың басшылары арасындағы жоғары деңгейдегі қарым-қатынастар «өте сенімді» екенін айтып, барлығына сабырға келуге кеңес береді.
«Шамадан тыс эмоциялық реакция маған ұнап тұрған жоқ. Менің бағдарламамда Дмитрий Дробницкий Қазақстанға қатысты өз болжамын айтып, пікір білдірді. Бізде сөз бостандығы бар емес пе? Қарапайым адам ретіндегі өз көзқарасын білдірді, ол мемлекеттік қызметкер емес қой, Дмитрийдің өз көрген-білгені бар, ұнасын-ұнамасын»,
деді тележүргізуші өзінің Соловьев Live бағдарламасында.
Ол осы жағдайдан кейін Дробницкийге қысым көрсетіле бастағанын, тіпті өлтіремін дегендер де болғанын атап өтті. «Бұлай енді болмайды ғой», — дейді Соловьев.
Бұған дейін ресейлік саясаттанушының мәлімдемелеріне ҚР Сыртқы істер министрінің орынбасары Роман Василенко түсініктеме беріп, оның Ресей мен Қазақстан арасындағы қарым-қатынасқа көлеңке түсіретінін және Ресей билігінің реакциясына лайық екенін айтқан болатын.
Ал Сенаттың Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед «Ресейлік саясаттанушы Дробницкийдің «Қазақстанда да ұлтшылдық процестер басталуы мүмкін» деген сөзінен біздің елімізге тікелей қатер төндіретіні анық байқалады деді.
Путиннің баспасөз хатшысы Дмитрий Песков саясаттанушылар мен Мәскеудің пікірі үйлеспейтінін айтып, олардың сөздеріне назар аудармауға шақырған.
Қазақстанда енді несие беру кезінде қарыздық коэффициентті есептеу жүйесі қолданылады. Егер адамның ай сайын төлейтін…
Қазақстанның дәл бүгінгі қоғамдық өмірінде тарих қойнауында жинақталған бағалы деректерге баса назар аударудың маңызы зор.…
Қазақстанның бұрынғы ішкі істер министрі Ерлан Тұрғымбаев екі айға қамауға алынды, деп хабарлайды дереккөз. 30…
2024 жылғы 1 мамырдан бастап еліміздің барлық әуежайларында авиациялық қауіпсіздікті күшейту бойынша вокзал маңындағы алаңдарда,…
ҚР Оқу-ағарту министрі Ғани Бейсембаев мектеп түлектеріне үндеу жасады. Министрдің айтуынша, оқу жылы маусым айына…
Ол қайтыс болған адаммен жыныстық қатынас жасады деген күдікке ілінді. Алматы қалалық Полиция департаменті аталған…