Белгілі заңгер Айгүл Орынбек елдегі қауіпсіздіктің жағдайы ақсап тұрғанын айтып, өзінің Facebook желісінде жазба қалдырды. Оның айтуынша шекарамыз «проходной дворға» айналып кеткен.

Сосын, оған «Халықаралық іздеу салдық» деп жайына жібере салады. Болды, сонымен «ертегі» де «кино» да бітті. Бәрінен бұрын, дәл осы бассыздықтар мен заңсыздықтарға жол берген бірде-бір форма киген жауаптылар, тіпті олардың бастықтары да жауапкершілікке тартылмайды, оларға шара да көрілмейді ғой, шіркін..! Керісінше, кеуделеріне орден тағып, медальға көміп, құрметке бөлейді! Ащы болса да, бұл — шындық. Елдегі қауіпсіздіктің жағдайы ақсап тұр. Тіпті, қорқынышты. Халқым-ау, осыдан кейін, әділетті Қазақстан бар дегенге қалай сенеміз?,

деп бөлісті заңгер.

«Кез-келген «бомж» еркін кіріп, тал түсте қару дүкенін тонап, халқына оқ атқыза салады! Оны ұстаған жігітті «Халық батыры» қылып көрсетіп, онша-мұнша емес, оған «Айбын» орденін таға салады! Міне, сонымен «спектакль» бітті. Шымкенттегі Полицияның нақ «сыйқы» мен риясыз «шеберлігі» деген осы. Ал үстінен сот жүріп жатқан Генерал Күдебаев беймарал, еш кедергісіз шекара асып қашып кете салады.

Айта кетейік, осыған дейін қаңтар оқиғасы кезінде қызметтік өкілеттігін асыра пайдаланды деген күдікпен ұсталған Серік Күдебаевтың сот отырысы бірнеше рет кейінге қалдырылып келген еді. Алайда 23 наурызда Күдебаевтың Бішкектен Түркияға қашып кеткені белгілі болып, оған халықаралық іздеу жарияланды.