Үкімет қаулысына сәйкес, қыркүйек айының соңында Назарбаев атындағы мектептер, университет және қордың жоғары қамқоршылық кеңесі мүшелерінің өкілеттіктері мерзімінен бұрын тоқтатылды. 

Кеңестің басшысы болып премьер-министр Әлихан Смайылов сайланды.

Кеңес құрамына кіргендер:

• Премьер-министрдің орынбасары, қаржы министрі Ерұлан Жамаубаев;
• Премьер-министрдің әлеуметтік сала мәселелері жөніндегі орынбасары Тамара Дүйсенова;
• Президенттің экономикалық мәселелер жөніндегі көмекшісі Әсет Ерғалиев;
• Ғылым және жоғары білім министрі Саясат Нұрбек;
• Назарбаев университеті президентінің міндетін атқарушы Адесида Илесанми.

Бұған дейін кеңес басшысы қызметін бұрынғы президент Нұрсұлтан Назарбаев атқарған.

Өткен жылы парламент Елбасы туралы заңды жоюға дауыс берген. Осыдан кейін депутаттар экс-президентті барлық артықшылықтар мен мәртебелерінен айыра бастады.