Қаржылық сауаттылықтың жоқтығынан отандастарымыз үсті-үстіне несие алып, қарызды қарызбен жауып жүр. Елімізде 1 миллионға жуық адам несиесінің төлем уақытын 3 ай өткізіп алған.

Мәселені шешу үшін «AMANAT» партиясы «Қарызсыз қоғам» жобасын жүзеге асыруда. Мамыр айынан бері 8 өңірде 39 мыңға жуық адам қаржысын жүйелі жұмсауды үйренді. Партиялықтар алдағы уақытта білім беру аясын кеңейтуді жоспарлап отыр, деп хабарлайды Астана телеарнасы.

Айына төлейтін кредиттің деңгейін түсіріп, мерзімін ұзартып нақты көмек көрсетіп жатыр екен Аманаттықтар. Енді жоба келесі жылы барлық 20 регионда іске асатын болады. Осы мәселені болдырмау үшін мектеп, колледж, жоғарғы оқу орындарында да арнайы оқулар өтеді.

Ал «Ауыл Аманаты» жобасы аясында 5300-ге жуық адам жеңілдетілген несие алды. Нәтижесінде 4 жарым мыңнан астам жаңа жұмыс орны құрылды. Бағдарлама барысында ауыл халқының әл-ауқатын арттыруға 1 трлн теңге бөлінген. Бұл қаржыға 350 мың жұмыс орны ашылады.