Фото: un/М.Элиас
Киев БҰҰ-ға мүше елдерді Ресейдің бұл ұйымның Қауіпсіздік кеңесінің тұрақты мүшелігінен шығару мәселесін қарауға шақырды. Бұл туралы Украинаның сыртқы істер министрлігі мәлімдемесінде айтылады.
Онда халықаралық құқық жағынан алғанда, Ресей қолданып келе жатқан «БҰҰ-ға мүше мемлекет» мәртебесі жөніндегі мәселе 1991 жылдың желтоқсанында СССР тарағаннан бері жөнге салынбай келеді.
«Ресей БҰҰ-ның Қауіпсіздік кеңесінің тұрақты мүшесі деген мәртебені Ұлттар Ұйымының белгіленген жарғысынан айланып өтіп алған. Өлке бұл мәртебені президент Борис Ельциннің БҰҰ-ның бас хатшысына жөнелткен жәй хаты негізінде ие болып қалған. БҰҰ жарғысында, оның ішінде Қауіпсіздік кеңесінің тұрақты мүшелері бар бапта Ресей аталмаған», — деп жазылған украин СІМ мәлімдемесінде.
Сонымен бірге мәлімдемеде БҰҰ жарғысына сәйкес, ұйымға бейбітшілікті жақтаған елдер ғана қатыса алатыны айтылып, Ресейдің Украинаға агрессиялық соғыс жүргізіп жатқаны жазылған.
Әзірге Ресей және БҰҰ-ғ мүше елдер Украинаның мәлімдемесіне пікір білдірмеді. Осыған дейін Батыс елдерінің оның ішінде АҚШ өкілдері Ресейді Қауіпсіздік кеңесінен шығарудың заңдық механизмдері жоқ екенін бірнеше рет білдірген.
БҰҰ-ға Украина мен Беларусь СССР құрамындағы УССР және БССР республикалары ретінде кірген. Ресейден басқа бұрынғы советтік республикалар БҰҰ-ның құрамына оның жарғысында қаралған ережелер бойынша қабылданған.
«Тәуелсіз Мемлекеттер Достастығының (ТМД) қолдауымен СССР-дің БҰҰ-дағы, оның ішінде Қауіпсіздік кеңесіндегі мүшелігін Ресей Федерациясы жалғастырады. Осыған байланысты БҰҰ-дағы СССР деген атауды Ресей Федерациясы деп өзгертуіңізді өтінемін», — деп жазылған Ельциннің 1991 жылы желтоқсанда БҰҰ-ның бас хатшысына жолдаған хатында. БҰҰ-да бұл ұсынысқа ешқандай қарсылық болған емес. Сонымен бірге Ресейді ұйымға қабылдауда формалды дауысқа да салынған емес.
БҰҰ жарғысына сәйкес, «Жарғы міндеттерін бұзған ел Қауіпсіздік кеңесінің ұсынысымен ұйымның Бас ассамблеясынан шығарылуы мүмкін». Бірақ іс жүзінде мұндай себеппен бірде бір ел БҰҰ-дан шығарылған емес.
СССР Финляндияға басып кіргені үшін 1939 жылы Ұлттар лигасының құрамынан шығарылған. Бірақ ол ұйымның ережелері басқа болған.
Қазақстанның дәл бүгінгі қоғамдық өмірінде тарих қойнауында жинақталған бағалы деректерге баса назар аударудың маңызы зор.…
Қазақстанның бұрынғы ішкі істер министрі Ерлан Тұрғымбаев екі айға қамауға алынды, деп хабарлайды дереккөз. 30…
2024 жылғы 1 мамырдан бастап еліміздің барлық әуежайларында авиациялық қауіпсіздікті күшейту бойынша вокзал маңындағы алаңдарда,…
ҚР Оқу-ағарту министрі Ғани Бейсембаев мектеп түлектеріне үндеу жасады. Министрдің айтуынша, оқу жылы маусым айына…
Ол қайтыс болған адаммен жыныстық қатынас жасады деген күдікке ілінді. Алматы қалалық Полиция департаменті аталған…
Дархан Ахметжанов 8 жылға бас бостандығынан айырылды. Дархан Ахметжанов қылмыстық кодекстің 293-бабының 1-бөлігі және 351-бабының…