Әнші ҚазҰУ ректорының отставкаға кетуін талап етті.

SMARTNEWS басылымының хабарлауынша, әнші Меруерт Түсіпбаева ҚазҰУ-інде жарияланған қыздардың пәктігі туралы тізімге қатысты пікір білдірді.

Өнер иесі Instagram парақшасында қазақ қыздары мен әйелдерінің өмірі күрделі деп атады.

Жақында ғана қазақтың қыздары, қазақтың әйелдерінің өмірі неге сонша күрделі деп разбор жасап едім….. Менің постымнан кейін, МІНЕКЕЙ тағы бір тосынсый. Аталмыш ВУЗ-дың әкімшілігі қанша ақталып, осы мәселені жылы жауып, мәймөңкелегенімен (?!), бұл тізімнің жарыққа шығуында, бұның астарында бір шикілік бар-ау… Оны ақымақ болмасаңыз — аңғарасыз… Сонымен, бұл ТІЗІМ кімге керек болды екееееен?!

Ау! Жаңа ғана өмірін бастап жатқан жауқазын қыздардың жеке шекарасын бұзғанша, білім деңгейін ойламайсыздар ма?! Бәрін қатырып тастап, енді қазақ қызының арын таптайтын осы тізім қалып па еді?! Ұят!! Куда мы катимся?!,

деп ашынды әнші.

Әнші бұл істі қылмыс деп атап, университет басшылығы жұмыс орнын босатуын талап етті.

Солтүстік Корея демалсын! Қыздарымыздың көрпесін көтергенше сапалы білім беріңіздер! Неге қазақтардың басым бөлігі балаларын шетелде оқытады?! Бұл қылмыс! Жылы жаппай, мемлекет тарапынан тексеріс қажет! p.s. Кешірім сұрау аз; ректор өз қалауымен отставкаға кетуі керек!

деп жазды әнші.