Орта салмақтағы біріккен әлем чемпионы Геннадий Головкин Қазақстанда жекпе-жек өткізуді жоспарлап отыр, деп хабарлайды Ulysmedia.kz.

40 жастағы боксшы Youtube-каналында берген сұқбатында мансабының аяқталуына дейін ол Қазақстанда жекпе-жек өткізгісі келетінін айтты.

Мен әлі сүйікті Қазақстанымда жұдырықтасуым керек

деді боксшы.

Головкиннің карьерасындағы жалғыз жеке-жек Астанада өткен. Ол 2010 жылы панамец Нильсон Тапияға қарсы өнер көрсетті.

Еске салайық, Геннадий Головкин мен Сауль «Канело» Альварес трилогиясы 17 қыркүйекте Лас-Вегаста (Невада, АҚШ) өтеді.  Бұған дейін боксшылар арасындағы алдыңғы екі жекпе-жек дәл осы аренада өткен болатын. Головкин мен Альварестің алғашқы жекпе-жегі тең аяқталған еді. Ал екінші кездесуде отандасымыз кәсіпқой бокста алғаш рет жеңіліс тапты. Төрешілердің шешімімен 12 раундқа созылған қарымта жекпе-жек мексикалық Сауль Альварестің пайдасына шешілді. Головкин сәуір айында жапондық Риота Муратаны нокаутпен жеңіп IBF және IBO тұжырымдары бойынша әлем чемпионы атағын қорғап қалды.

Головкиннің үшінші жекпе-жегін көру қанша тұрады?

Билеттер 27 маусымнан бастап сатылымда. Ең арзаны 305 доллардан басталады. Бұл шамамен 147 мың теңге. Ең қымбаты – 2 млн теңгеден жоғары.  Арнайы барып, өз көзіңмен көру үшін қалтаңда қомақты қаражат болуы керек, әрине. Қалтасы көтермейтін барша жанкүйерлер қауымына онлайн көрсетілім де қарастырылған.  Оны DAZN платформасында 84,99 доллар, яғни 40 577 теңгеге қызықтай аласыз.