6 ақпанда жеңілдетілген автонесие алуға 761 адам өтініш бере алады. Бұл туралы Өнеркәсіпті дамыту қоры басшысының орынбасары Ринат Ғаппаров хабарлады.
Өтініш қабылдау Астана уақыты бойынша сағат 10.00-де басталады.
Оның айтуынша, қазіргі уақытта қолданыстағы автонесиелерді өтеуден жиналған ақша сомасы 7,6 миллиард теңге болады.
Осы деректерді ескере отырып, пилоттық платформаны алғаш іске қосқан кезде 761 үміткерге дейін тіркеле алады. Осы санға жеткенде, платформада өтінімдерді қабылдау автоматты түрде тоқтатылады, ал «өтініш беру» функциясы жұмыс істемейді. Алдағы уақытта платформада өтініштер ай сайын қабылданып, 100-ден аса үміткерді тіркеуге мүмкіндік береді,
деді қор басшысының орынбасары Ринат Ғаппаров.
