Көлік емес, консервінің құтысы екен.
Онда Қазақстанда жиналған Chevrolet Malibu моделін дереу иелерінен кері қайтарып алу керек,
дейді автокөлік сарапшысы Ибраш Нүсіпбаев.
Астана Әкімшілік полиция басқармасының басшысы Елжан Чупеков дегеннің сөзіне сенсек, LRT бетон бағанасына келіп шапталған Chevrolet Malibu маркалы «көліктің жылдамдығы көпірге көтерілу кезінде Jusan Bank ғимаратына қарама-қарсы «Сергекте» сағатына 66 шақырым болған».
Бұл ақпарат рас болса, Қазақстанда жиналған Chevrolet Malibu автокөліктерінің бәрін кері қайтарып, Қазақстанда көліктің бұл моделін сатуға тыйым салу керек!
Себебі – не бұл автокөлік жұп-жұқа қаңылтырдан жасалады, не зауыттағы кузовты дәнекерлеу сапасы тым төмен.
Әйтпесе краш тесттің стандартты жылдамдығы, сағатына 60-тан сәл астам жылдамдықпен бетонға соғылған қазақстандық Chevrolet Malibu-дың арты орындығына дейін майысып кеткенін басқаша түсіндіру қиын,
дейді сарапшы.
- Жол апаты 29 маусымда таңертең болды.
- Оқиға салдарынан 43 жастағы жүргізуші алған жарақаттарынан оқиға орнында қаза болды.
