АҚШ президенті әкімшілігі Ақ үй қызметкерлерінің жылдық табысы туралы ақпаратты ашып, Конгресске барлық 474 қызметкердің тізімін жолдады.

Байденнің қол астындағы 24 қызметкер ең жоғары жылдық жалақы алады екен (ең жоғары жалақы — 180 мың доллар). Оның ішінде оның кеңесшісі Энтони Берналдың әйелі, Ұлттық экономикалық кеңестің директоры Брайан Дисс, аппарат басшысы Рон Клайн және оның орынбасары Дженнифер Диллон, Байденнің көмекшісі Анита Данн (Псакидің орнына келген), Ақ үйдің баспасөз хатшысы Карин Жан-Пьер, Байденнің климат жөніндегі кеңесшісі Регин Маккарт және Ұлттық қауіпсіздік жөніндегі кеңесші Джейк Салливан.

Екі қызметкердің «экстра» жалақысы бар болып шықты. Байденнің көлік жөніндегі аға кеңесшісі Луиза Пайевонски (191 мың доллар) және инфрақұрылымдық мәселелер жөніндегі үкіметаралық топтың директоры Стефани Сайкс (183 мың доллар).

Сондай-ақ, Ақ үйде «рақмет» үшін еңбек ететін 16 қызметкер бар екен, олардың жалақысы 0 доллар. Олардың қатарында Байденнің иммиграция жөніндегі аға кеңесшісі Рамзи Кассем және оның экономикалық саясат жөніндегі арнайы кеңесшісі Джастин Левитт бар.

Джо Байденнің өзі Ақ үй қызметкерінің тізімінде жоқ. Ол жылына 400 000 доллар алады. Бұл жалақыға 50 000 долларлық жалпы шығын немесе 100 000 долларлық жол жүру шығыны кірмейді.

Айта кетейік, 1995 жылдан бері Ақ үй Конгресске жыл сайынғы есебінде өз қызметкерлерінің жалақысын ашып көрсетуге міндетті.