Әлемдік БАҚ не туралы жазды.
Мұнайдағы өркендеу
The Wall Street Journal Сауд Арабиясының әлемдегі ең ірі экономикалар клубындағы позициясын нығайтқаны туралы жазды. Патшалық үкіметі бюджеттің 27 миллиард долларлық профициті туралы хабарлады. Биылғы жылы мұнайдың жоғары бағасы патшалық экономикасына ең жылдам қарқынмен өсуіне көмектесті: үкімет ханзада Мұхаммедтің өршіл жобаларына жоспарланғаннан 47 миллиард долларға көп ақша жұмсады.
Халықаралық валюта қоры биыл Сауд Арабиясында 7,6% өсуді болжайды, ал жаһандық өсім 3,2% деңгейінде тіркелді. Патшалықтың өндіріс көлемі алғаш рет 1 триллион долларға жетеді деп күтілуде.
АҚШ Тайваньға қару-жарақпен көмектеседі
Вloomberg АҚШ Тайваньға қару-жарақ жеткізілімін арттыратын және үкіметтің қытайлық жартылай өткізгіштерді пайдалануын шектейтін заң қабылдайтынын жазды. Атап айтқанда, қорғаныс туралы заң Тайваньға 10 миллиард долларлық қару сатып алуға мүмкіндік береді және америкалық компаниялардың қытайлық чиптерді пайдалануын одан әрі шектейді.
Басылым жыл сайынғы қорғаныс заңнамасының қазіргі тұжырымдары Конгресс пен Сенаттың Қытайға қарсы тұруға дайындығының артып келе жатқанын көрсетеді, ал президент әкімшілігі соңғы уақытта елдер арасындағы қатынастарға жылуды қайтаруға тырысуда.
Бизнес талап етеді — үкімет үнсіз
The Guardian Ұлыбританияның ең ірі бизнес тобы үкіметке сауал тастады. Британдық өнеркәсіп конфедерациясы үкіметтің 2023 жылдың наурызынан кейін бизнеске арналған электр энергиясын субсидиялау схемасын қалай кеңейтуді жоспарлап отырғаны туралы шұғыл мәліметтерді талап етті.
Барлық компаниялар, қайырымдылық ұйымдары және мемлекеттік сектор ұйымдары үшін энергияның көтерме құнын дисконттайтын схема қазан айында үй шаруашылықтары мен бизнеске электр энергиясының тез өсіп келе жатқан шоттарының соққысын жеңуге көмектесу үшін енгізілді.
Үкімет 2023 сәуірінен бастап белгілі бір салалардағы компанияларға қосымша қолдау көрсетілетінін айтты, бірақ нақты кімге екенін хабарлаған жоқ. Алайда, болашақта көмекке кім сене алатынын нақтылау дәл қазір қажет, өйткені бизнес келесі жылға қаржылық жоспарлар жасайды. Егер мемлекеттен қолдау болмаса, көптеген компаниялар штаттарды қысқартуды, өз өнімдеріне бағаны көтеруді жоспарлауы керек, тіпті банкроттық туралы ойлануы керек.
Қылмыссыздандыру жақсылық әкелмеді
Fox news АҚШ-тағы ең ірі Walmart бөлшек сауда желісінің бас директоры жақында Калифорниядағы гипермаркеттерді жауып, басқа штаттардағы бағаны көтеретінін ескертті деп жазады.
Мұның себебі ұрлықтың күрт өсуі болды, бұл Walmart-тың биылғы шығынын миллиард долларға жақындатты. Калифорниядағы ұрлықтың күрт өсуі штат заңнамасына енгізілген түзетуден туындады. Заң шығарушылар «ұрлық үшін қудалау — бұл қара нәсілді адамдарға нәсілшілдік шабуыл, олардың жалғыз нақты қылмысы — кедейлік» деп мәлімдеді.
Нәтижесінде, дүкен сөрелерінен 950 доллар және одан төмен тауарларды ұрлау Калифорнияда қылмыстық құқық бұзушылық ретінде қарастырылмайды — бұл тек теріс қылық болып саналады, ал жазасы — профилактикалық әңгіме жүргізу. Онда да егер ұрыны полиция ұстаған болса, өйткені дүкен күзеті қара нәсілдіні ұстап отыруға құқығы жоқ.
Нәтижесінде әлеуметтік желілерде күн сайын афроамерикалықтар дүкендерге кіріп, өзіне ұнағанның бәрін ашық алып кетіп жатқан видеолар көптеп таралуда.
Металлы жоқ Еуропа
New York Times Еуропа өз өнеркәсібіне жаңа соққы беруге дайындалып жатқанын жазды. Еуропалық Одақта АҚШ-тың зиянды шығарындылардан баж салығын алатын Green Steel клубын құру туралы тұжырымдамалық ұсынысын қарастыра бастады.
Бұл идея атмосфераға көміртегі шығарындылары жоғары өндірілетін металдардан бастау үшін қосымша салық салу болып табылады. Инновацияны сынап көру ұсынылатын бірінші ел — Қытай, ол ЕО елдеріне ең ірі металл жеткізушілердің бірі болып табылады.
Басылым жазғандай, Еуропалық Одақ шенеуніктері «Климаттық дағдарыстан зардап шегетін кедей елдерге көмектесу үшін қор құруды бастауға көмектесетін» қосымша баждарды енгізуге ынталы болды.
Бейжің тиісті жауап берді — егер Еуропа сауда соғысын бастағалы жатса, онда ол металсыз қалады.
