Ақтөбеде сот орындаушысы әріптесіне балағат сөздер жазып хабарлама жіберген екен. Енді ойланбай жазғаны үшін бақандай лицензиясынан айырылып қалыпты, деп жазды Диапазон сайты.

Сот орындаушысы қылығын мойындағысы келмей, бар кәніні басқа құрбысына арта салмақшы болған. Алайда мәтіннен бөлек, әйелдің жіберген аудиохабарламасы сақталып қалыпты.

Әдеп жөніндегі өңірлік уәкілетті органның маманы жіберген шағым республикалық жеке сот орындаушылар палатасына жіберілді.

Нәтижесінде сот орындаушысы балағат сөздерді айтқаны үшін республикалық палатадан қуылды. Артынша Әділет департаменті оны лицензиясынан айыруды сұрады. Судья Қалмұхамбетов Әділет министрлігінің арызын қанағаттандырды.