Сенат депутаттары қаңтар оқиғасына қатысқандарға қатысты «Рақымшылық жасау туралы» заңды қабылдады.
«Рақымшылық жасау туралы» заң жобасы нормаларында қазақстандықтарды қылмыстық және ауырлығы аз және орташа қылмыстар үшін жазадан босату көзделген. Жазасын өтегендерден соттылығы алынады. Ауыр және аса ауыр қылмыс жасағандарға: ауыр қылмыстар үшін — сот тағайындаған мерзімнің төрттен үші, ал аса ауыр қылмыстар үшін — жартысына қысқартылады.
Сонымен қатар, заң жобасында босатылған адамдарды жұмысқа орналастыру, медицина көмек беру және іс қағаздарын жүргізу мәселелері қарастырылған. Бұл ретте террористік, экстремистік, сыбайлас жемқорлық қылмыстар жасаған, мемлекетке опасыздық жасаған, азаптау, қылмыс қайталанған немесе жаппай тәртіпсіздіктер ұйымдастыру, кәмелетке толмағандарға қатысты жыныстық сипаттағы қылмыс жасаған адамдар рақымшылық жасауға жатпайды.
Қабылданған заң Мемлекет басшысының 2022 жылғы 1 қыркүйектегі жолдауында берген тапсырмаларын орындау мақсатында әзірленді. Заңда рақымшылықты қолдану шарттары мен заң қарастырмайтын адамдарға қатысты нормалар нақты жазылған
— деді Сенат спикері Мәулен Әшімбаев.
Рақымшылыққа тек 4-7 қаңтар аралығында жаппай тәртіпсіздіктерге байланысты немесе олардың жолын кесу кезінде қылмыстық құқық бұзушылықтар жасаған адамдар ғана қолданылады.
