Қытайдан қазаққа келген қу жүйе жылдамдық асыру, қызыл түске өтіп кету, тоқтау сызығын және тұтас сызықты басу сияқты ереже бұзу әрекетін тіркейді.
Ақтау қаласы мен Мұнайлы ауданында мамандар былтыр көктемде бейнекамералар қоя бастаған. 638-ін қала ішіне, қалған 500-ін шалғай аудандарға орнатты. Мangystaumedia.kz 1 шілдеде «сергек» кешені іске қосылғанын хабарлады.
Жүргізуші жол ережесін бұзғаны туралы ақпарат процессингтік орталық пен әкімшілік құқық бұзушылық реестріне келіп түседі.
Әкімдік жобаның мемлекеттік-жеке серіктестік негізінде жүзеге асатынын хабарлады. Камера орнату, қолдану, қызмет көрсету туралы келісімшарт бес жылға жасалды. Жоба құны — 6.609 миллиард теңге.
Жылдан-жылға «сергектің» саны артып келе жатқанын байқауға болады.
Алматыда оларды жол бойына ғана емес, полиция көліктерінің төбесіне де орнатып жатыр. Ал Алматы облысының билігі трассаның қауіпті бөліктеріне камера орнатуды жоспарлап отыр.
