«Не молчи» қорының негізін қалаушы Дина Таңсәрі әлеуметтік желідегі парақшасында Маңғыстау облысы, Ақтау қаласында әкесі туған қызын өлтіріп, кейін ұсталғанын хабарлады.
Бұл туралы Stan.kz ақпарат агенттігі хабарлайды.
Біз бұл істі ата-анасы жария еткісі келмегендіктен жарияламадық. Бірақ жағдай бақылаудан шығып кетті. Зорлаушы ер адам 5 баланың әкесі. Біз мән-жайды егжей-тегжейлі біліп, қыздың куәлігін оқығанда, шашымыз тік тұрды. Қыз эпилепсиямен ауырғанына қарамастан бірнеше зорлық-зомбылық эпизоды болған. Қыздың туыстары мен ата-анасының арқасында сотқа дейінгі тергеу аяқталды. Қазірдің өзінде бірнеше сот отырыстары өтті. Сот отырысында күдіктінің адвокаты Қалмұхашев Серікбол қыздың анасын ата-ана құқығынан айырамын деп қорқытқан. Адвокат секілді күдіктінің өзі де зорлық-зомбылық туралы ешкімге айтпау үшін қызды бопсалаған,
деді Дина Таңсәрі телеграмдағы мәлімдесемінде.
Сонымен қатар ол күдіктінің қызға көрсетпегені жоқ екенін жазған.
Айыптау қорытындысында істің барлық мән-жайы ер адамның зорлық-зомбылық әрекеттеріне ғана негізделген. Ол оны зорлады! Оның ішінде қызды оральды жыныстық қатынасқа түсуге мәжбүрлеген. Растау бар: биоматериалдар жиналды. Зорлаушы ұсталып, уақытша ұстау изоляторына қамалды,
деді қоғам белсендісі.
Зорлаушының сөзінше, бұл іске қыздың туған анасы кінәлі.
@aktau_prokuratura мен соттан мұндай қорқытулар мен қысымдарды тоқтатуды талап етеміз! Сот тергеуі тек балаға қатысты зорлық-зомбылық фактісі бойынша жүргізілуі керек. Ана мен қыз үлкен қысым мен қорлауды бастарынан өткізді. Жауап алу кезінде бойжеткен эпилепсия ұстамасымен ауырып, ауруханаға жатқызылды. Тергеу мен сот қыздың анасын шарасыз күйге қалдырып отыр,
деді Дина Таңсәрі.
