Білім беру инфрақұрылымын қолдау қоры құрылғалы мемлекеттің қаржысын жымқырғандардан арнайы шотқа 151,9 млрд теңге түскен. Бұл жөнінде Үкіметтің Баспасөз қызметі хабарлады.
Қайтқан қаражаттан арнайы шотқа 151,9 млрд теңге түсті. Нәтижесінде жалпы сомасы 96,5 млрд теңгеге 76,7 мың оқушыға арналған 62 мектептің құрылысы қаржыландырылды,- делінген хабарламада, деп жазды TengeLife арнасы.
Биылғы 1 желтоқсандағы жағдай бойынша (28,6 мың оқушыға арналған) 17 мектеп пайдалануға берілген.
Ал «Жайлы мектеп» ұлттық жобасы аясында 461 мың оқушыға арналған 217 мектептің құрылысы басталған.
Мемлекет қаржысын жымқырғандардан қайтқан қаржыға еліміздің түкпір-түкпірінен 62 мектеп салынатыны хабарланған-ды.
Сондай-ақ тізімде Астана қаласы да бар. Оның ішінде Алматы облысында – 10, Жамбыл облысында – 6, Түркістан облысында – 9, Астанада 10 мектеп салынады.
Бұған дейін Вице-премьер-қаржы министрі Ерұлан Жамаубаев мектеп құрылысына жемқорлардың қайтарған қаржысынан ақша бөліне бастағанын айтқан еді.
