Удмуртиядан келген 34 жастағы ресейлік әйел 120 елден келген бәсекелестерін жеңіп, «Ғаламшар ханымы» сұлулық байқауында жеңіске жетті. Сұлулық байқауы Болгария астанасы Софияда өтті, деп хабарлайды РБК.
«Ғаламшар ханымы — 2022» атағын Удмурт Республикасының тұрғыны, 34 жастағы Елена Максимова жеңіп алды. Іс-шара Софияда 30 қаңтар мен 5 ақпан аралығында өтті.
Осындай маңызды байқауда ел атынан шығу мен үшін үлкен мәртебе және жеңіспен оралғаныма өте қуаныштымын. Ресейге жеңіс әкелген алғашқы қатысушы болу өте керемет сезім,
деп бөлісті Максимова.
Елена Максимова Удмурт Республикасында дүниеге келген. Қазір Ижевскіде тұрады, онда тіл орталықтарының желісін басқарады. 2021 жылы «Ресей-Ғаламшар екінші вице-ханымы» атағын жеңіп алған.
«Ғаламшар ханымы-2022» финалына Беларусь, Украина, Үндістан, Қытай, Жапониядан келген 120 қатысушы қатысты. Бұл халықаралық байқау 2007 жылдан бері өткізіліп келеді. Максимовадан кейін екінші орынды Вьетнамнан, үшінші орынды Венесуэладан, төртінші орынды Үндістаннан, бесінші орынды Оңтүстік Кореядан келген сайыскер иеленді.
«Ғаламшар ханымы» байқауының критерийлеріне сәйкес, қатысушылар өтініш берген кезде кемінде 18 жастан асқан, тұрмыстағы, сондай-ақ байқауға қатысатын елдің тұрғындары болуы керек, делінген конкурстың ресми сайтында.
Ресейдің туристік ақпарат алмасу жүйесінің сайтындағы ақпаратқа сәйкес, Удмурт Республикасы — Ресей Федерациясының субъектісі (федеративті мемлекет құрамындағы республикалардың бірі). Волга федералды округіне қарасты Орал Экономикалық ауданының құрамына енеді. Аймақтың астанасы — Ижевск қаласы. Ижевск пен Мәскеу арасындағы қашықтық — 1129 км.
