Тоқаев мырза, бүкіл халық Досаев кетсін десе де, кетірмейсіз. Неге? Алматыға әкім болатын адам емес екені түрінде де, көзінде де тұр ғой…
Алматыға әкім болатын дені дұрыс адам жоқ па?
Автобустарды өтірік қымбат бағаға алғаны бер жағы ғой… Қытайда бір автобустың бағасы — 83 400 АҚШ доллары тұрады. Ал біздікілер одан да асып түсті — 164 000 доллар.
Алматының жолдарын қалай жөндеп жатқанын айтсаңшы…
Бір ғана мысал:
Бөкейханов-Рысқұловтағы көпірдің бес «шовын» бес адам, бір техникамен бес ай жасады. Рысқұлов-Күдериндегі көпірдің үш «шовын» үш адамның жасап жүргеніне үш ай болды. Қашан қарасаң, әлгі үшеуі сылбыр жыбырлап, бірдеңені шұқылап жүреді әйтеуір…
Күндегі кептелісті сіз көрмейсіз, сағаттап кептеліп тұрмайсыз, әрине. Сол себепті сізге Алматыға кім әкім болса да бәрібір шығар, деп жазды Сәуле Әбілдаханқызы.
Орталықтағы теп-тегіс 5-6 көшенің бетін 2 см қырып тастап, 2 см асфальтты қайта төсеп шығу — Алматы әкімдерінің атасынан мұра боп қалған атакәсіптері. Ол мәселе туралы айтып ауыз, жазып қол талған.
Жол жасағыш болса, тым болмаса, Шаңырақ пен Боралдайдың көшелерін жасасын. Бомба түскен Украина жеріндей боп жатыр. Ондай жолдар жетіп артылады, бірақ соқыр әкімдер ол жақпен жүрмейді, жүрмеген соң, көрмейді. Өздері жүретін көшелерді ғана жылда жалап жатады әйтеуір. Халық күл болмаса, бұл болсын дейді.
