Алматы облысының төтенше жағдайлар департаменті Алматы маңындағы саяжай қалашықтардың бірінде болған көшкін салдары туралы айтты.
Бурабай саяжай қалашығында бұған дейін 25 ақпан мен 26 ақпан аралығында жауған жаңбыр мен қар түріндегі жауын-шашын салдарынан топырақ шамадан тыс ылғанданған. Нәтижесінде қорғаныш қоршау – бетон тіреу қабырғасы арқылы Баянауыл көшесі бойындағы екі жеке тұрғын үйге қарай тау баурайынан өздігінен топырақ көшкен. Ол үйлердің бірінің терезесін зақымдап, ішкі бөлмеге кіріп кеткен. Тағы бір үйде соққыдан қабырғаларда жарықтар пайда болды. Құрбандар мен зардап шеккендер жоқ,
деді ТЖД өкілдері.
Оқиғаның нақты себебі мен келтірілген шығынды анықтау үшін комиссия құрылды.
Төмен түскен топырақтың болжамды көлемі 360 текше метр. Бір үйдің төрт тұрғыны көршілерінде, екінші үйдің бес тұрғыны Алматыда,
делінген хабарламада.
