1995 жылы туған Аустралия азаматы 21 мамырда Үлкен Алматы шатқалына қарай кеткен. Instagram-да оның көлдің маңында түскен суреті бар. Содан бері оны ешкім көрмеген. Бұл туралы полиция департаментіне ер адаммен бірге келген Ресей азаматы хабарлаған.

Аустралиялық азаматты соңғы рет әріптестері көрген. Жоғалған ер адамның дос қызының айтуынша, жоғалған адам екеуі туристік сапармен Алматыға 20 мамырда кешке келген. 22 мамырда таңғы 7-де туристер қайта ұшып кетуі керек болған. Қыз әуежайға жалғыз келген, сол жерде ер адамды кездестіремін деп ойлаған. Алайда аустралиялық азамат сол күйі оралмаған.

Полицияның мәліметінше ер адамды соңғы рет 21 мамырда БАО аймағында көрген. Ер адам космостанциясына қарай бет алған. Аталған аумақты ескере отырып, тікұшақ бригадалары мен республикалық жедел-құтқару жасағының күштері тартылды. Еріктілердің ресурстары барынша пайдаланылды.

Үлкен Алматы шатқалын аралауға кеткен кезде ауа райы қолайсыз болған. Сол себепті іздестіру жұмыстары да қиындық тудырды.

Лидер жоғалған адамдарды іздестіру қоры бүгін туристің қаза болғанын мәлімдеді. ТЖМ РЖҚЖ баспасөз қызметі мәліметінше, жоғалған ер адамның денесі Аюсай шатқалындағы алғашқы сарқырама маңынан табылған.

Жедел-іздестіру іс-шаралары барысында БАО-дан алыс емес Аю-Сай шатқалында зорлық-зомбылық белгілерінсіз қайтыс болған 1995 жылы туған Herd Jake Michael-дың денесі табылды. Жеке заттары өзімен бірге болды. Кісі өлімінің себебін анықтау мақсатында сот-медициналық сараптама тағайындалды,

деп хабарлады Алмалы аудандық ПБ бастығы Есен Ысқақов.