25 қыркүйекте Алматыда жыл сайынғы «Алматы марафоны» өтеді. Жарыс өтетін күні қаладағы кейбір жол учаскелерінде көлік қозғалысы жартылай шектеледі.
Бұл туралы Zakon.kz жазды.
24 қыркүйек күнгі сағ. 6:00-ден бастап 25 қыркүйек күнгі сағ. 18:00-ге дейін марафон қашықтықтары өтетін жерлерде жолдардағы қозғалыс ішінара жабылады.
Спортшылардың қашықтықты жүгіріп өту шамасына қарай жолдар ашылып отырады. Марафонның сөресі мен мәресі Республика алаңында болады, сондықтан 24 қыркүйек күнгі сағ. 6:00-ден бастап 25 қыркүйек күнгі сағ. 18:00-ге дейін Сәтбаев көшесінде Желтоқсан көшесінен бастап Назарбаев даңғылына дейінгі жол бөлігінде екі қозғалыс жолағы да жабылады,
деп хабарлады «Алматы марафоны» баспасөз қызметі.
25 қыркүйекте мына жолдарда қозғалыс шектеледі:
- Назарбаев даңғылында Сәтбаев көшесінен әл-Фараби даңғылына дейінгі жол бөлігінде сағ. 7:00-ден 10:40-қа дейін қозғалыс толық жабылады.
- Әл-Фараби даңғылында Назарбаев даңғылынан Достық даңғылына дейінгі жол бөлігінде шара өтетін күні сағ. 7:00-ден 8:45-ке дейін қозғалыс толық жабылады.
- Әл-Фараби даңғылында Назарбаев даңғылынан Шашкин көшесіне дейінгі жол бөлігінде сағ. 7:00-ден 11:10-ға дейін қозғалыс ішінара жабылады, көшенің оңтүстік жағы көлік қозғалысына ашық болады.
- Әл-Фараби даңғылында Шашкин көшесінен Саин көшесіне дейінгі жол бөлігінде сағ. 7:00-ден 13:30-ға дейін қозғалыс ішінара жабылады, көшенің оңтүстік жағы көлік қозғалысына ашық болады.
- Саин көшесінде әл-Фараби даңғылынан Абай даңғылына дейінгі жол бөлігінде сағ. 7:00-ден 13:30-ға дейін қозғалыс ішінара жабылады, көшенің батыс жағы ашық болады.
- Абай даңғылында Саин көшесінен Байтұрсынов көшесіне дейінгі жол бөлігінде сағ. 7:00-ден 13:00-ге дейін қозғалыс ішінара жабылады, даңғылдың солтүстік жағы көлік қозғалысына ашық болады.
- Байтұрсынов көшесінде Абай даңғылынан Сәтбаев көшесіне дейінгі жол бөлігінде сағ. 7:00-ден 14:00-ге дейін қозғалыс толық жабылады.
- Сәтбаев көшесінде Байзақов көшесінен Байтұрсынов көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.
- Сәтбаев көшесінде Байтұрсынов көшесінен Желтоқсан көшесіне дейінгі жол бөлігінде сағ. 7:00-ден 13:30-ға дейін қозғалыс толық жабылады.
- Байзақов көшесінде Тимирязев көшесінен Сәтбаев көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.
- Тимирязев көшесінде Шашкин көшесінен Байзақов көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.
- Шашкин көшесінде әл-Фараби даңғылынан Тимирязев көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.
Сонымен қатар ұйымдастыру комитеті Республика алаңына автокөлікпен жету бағытын ұсынды:
1. Желтоқсан көшесінің бойымен оңтүстікке қарай Сәтбаев көшесіне дейін;
2. Сәтбаев көшесінің бойымен батысқа қарай Назарбаев даңғылына дейін;
3. Назарбаев даңғылының бойымен оңтүстікке қарай Сәтбаев көшесіне дейін;
4. Әл-Фараби даңғылының оңтүстік жағымен Нұрлы Тауға дейін көлікпен жетіп, Алаңға дейін жаяу бару;
5. Абай даңғылының бойымен батысқа қарай Желтоқсан көшесіне дейін;
6. Шевченко және Құрманғазы көшелерінің бойымен Желтоқсан көшесіне дейін;
7. Метромен «Абай» станциясына дейін.
