Алматыда 2025 жылдың соңына дейін 71 мектеп салу жоспарланып отыр. Бұл туралы қала әкімдігі хабарлады.
2025 жылдың соңына дейін қалада 71 мектеп салу жоспарланып отыр, оның ішінде 23 мектеп пен жапсаржай бюджет есебінен, қалғандары жеке қаражат есебінен бой көтереді. Ал 16 мектеп пен жапсаржай құрылыс салушылармен жасасқан меморандум аясында болмақ. Бұл «Алматыны 2025 жылға дейін дамыту бағдарламасы және 2030 жылға дейінгі негізгі басымдықтарында» жазылған,
делінген әкімдік таратқан хабарламада.
Алатау, Бостандық, Наурызбай және Түрксіб аудандарында 2025 жылдың соңына дейін қосымша білім беруді дамыту бойынша 4 заманауи орталық құрылады.
Әлеуметтік нысандар салынып жатқан тұрғын үй кешендерінің бірінші қабатында болады. 2024 жылдан бастап «Солтүстік» және «Шығыс қақпасы» полиорталықтарындағы алғашқы тұрғын үй кешендерінің тапсырылған кезде ғимаратты аралас пайдалану тәсілі сыналады.
Осылайша, полиорталықтарда қажет инфрақұрылымы және барлық қажет функция мен қызмет жиынтығы бар қауіпсіз тату көршілік орта құрылады.
