Оқиға түскі үзіліс кезінде болған. Көппәтерлі тұрғын үйдің екінші қабатында тұратын Анар есімді келіншек аулаға қарайтын терезеге көз салғанда жасы 30-дар шамасындағы ер адамның ағаш бұтағында асылып тұрғанын көрген.
Оның үстінде қаракөк түсті жұмыс формасы бар. Біздің үйге жақын маңда жұмысшылардың жолды жасап жатқанын білеміз. Асылып қалған жігіт солардың бірі болуы мүмкін,
дейді куәгер.
Келіншек жұбайының бірден аулаға жүгіріп шығып, полицияға хабар бергенін айтады. Тәртіп сақшылары оқиға болған жерді суретке түсіріп, марқұмның денесін өздерімен бірге алып кеткен.
Ол өлерінің алдында әлдекімге дыбыстық хат жолдаған болуы керек. Мүмкін, өзінің қай жерде екенін хабарлаған шығар. Себебі, біз телефон соққанымыз сол еді, аулада полиция қызметкерлері қаптап кетті,
дейді келіншек.
Алматы қалалық Полиция департаменті бұл оқиғаға қатысты әзірге түсініктеме берген жоқ.
