Мүгедектігі бар балалар әртүрлі мектепте оқуға мәжбүр. Әкім 30 қарашада асхана мен жаңа кеңейту жұмыстарын бітіруге тырысатынын айтты.

Алматы әкімі Ерболат Досаев қала тұрғындарына 3 жылдан бері құрылысы жүріп жатқан сөйлеуі бұзылған балаларға арналған №9 мектеп-интернатты 1 қыркүйекке дейін ашуға уәде берген еді. Әкім бұл уәдесін орындай алмады. Әкімдіктің баспасөз қызметі мектептің құрылыс салушының кінәсінен ашылмай қалғанын айтты.

Каблуков көшесі, 91 мекенжайындағы арнайы мектеп 3 жылдан бері салынып жатыр. Жақында кездескенде құрылыс жалғасады, қаржы болады деп уәде бердіңіз. Жұмыстың жартысы да бітпесе, балалар 1 қыркүйекте мектепке қалай барады? Неліктен мүгедектігі бар балалар әртүрлі мектепте оқып жүруі керек?

деп Ерболат Досаевтан Бостандық ауданының тұрғындары сұрады.

Әкім проблема әкімдікте емес, құрылыс салушыларда екенін айтты.

1 қыркүйекте мектеп ашамыз деп уәде бердім, бірақ мәселе қаладан түсетін ақшада емес, жұмысты аяқтауға айналым қаражаты жетпейтін кәсіпорында болып тұр. Жобалық-сметалық құжатты реттеп жатырмыз. Қыркүйек айында жөндеу жұмыстарының болжамды сомасы — 10 миллион теңге. 30 қарашада асхана мен жаңа кеңейту жұмыстарын бітіруге тырысамыз,

деді Ерболат Досаев.

Әкім №9 арнаулы мектеп құрылысына қатысты мәселені уәде еткендей бақылауында ұстайтынын айтты.