Райымбек даңғылында көлік қозғалысы он күндей уақытша шектеледі. Бұл туралы Алматы әкімдігінің баспасөз қызметі хабарлады.
Жол-құрылыс жұмыстары жүргізілуіне байланысты 12-21 қыркүйек аралығында түнгі уақытта сағат 22:00 мен сағат 06:00 аралығында Райымбек даңғылының Назарбаев даңғылынан Төретай көшесіне дейінгі бөлігінде көлік қозғалысы уақытша толық шектеледі,
делінген хабарламада.
Бұл жұмыстар 2022 жылға арналған жоспар аясында жүзеге асырылып жатыр. Әкімдік келтірілген қолайсыздықтар үшін кешірім өтініп, жол жүру бағытын алдын ала жоспарлауды сұрайды.
