Аграрлық эксперт және қоғам қайраткері Кирилл Павлов Алматыдағы «жылы аралдарды» — өсімдік жоқ болғандықтан ауа температурасы айтарлықтай жоғары болатын жерлерді анықтады.
Қазақстанда кейінгі күндері күн қатты ысып кетті. Кейбір өңірдегі термометр бағаналарындағы көрскеткіштердің жоғары болатыны сонша, тұрғындар соған орай ерекше эксперименттер жасап жүр. Мысалы, Түркістанда күйіп тұрған асфальттің үстіне жұмыртқа қуырылды.
Дегенмен мұндай ауа райына табиғат ерекшеліктері ғана себеп емес. Кирилл Павлов «Жылу аралдары» спутниктік деректері талдауын ұсынды. Бұл — метеорологиялық құбылыс, ол қаланың белгілі бір аймағының температурасы жоғарылауынан тұрады. Суретте Алматыда GRAND PARK сауда үйінің аумағында ауа температурасы 48-51°С-қа дейін жеткені көрсетілген.
Есі дұрыс әкім GRAND PARK сауда орталығындағы көгалдандыруға қатысты ойлануы керек. Ерболат Досаевқа осындай жайттарды анықтап, түзету соның міндеті екенін айтатын уақыт жетті,
дейді Кирилл Павлов.
Жылу аралдарында температура жоғары болады, олар қалалардағы жылу толқындарының шамасы мен ұзақтығын арттыра алады. Демек қалада осындай ыстық аймақтар болғандықтан мегаполистің жалпы ауа температурасы көтеріледі.
Айта кетейік, бүгін, 26 шілдеде «Қазгидромет» РМК аптап ыстық пен өте жоғары өрт қаупіне байланысты еліміздің тоғыз облысында дауылды ескерту жариялады. Синоптиктер Алматыда термометр +36-38°С дейін көтерілетінін болжады.
