Алматылық ер адам үйдің ауласында 24 келі марихуана өсірген. Бұл туралы Polisia.kz. хабарлады.
Республикалық “Қарасора” іс-шарасы аясында Медеу ауданындағы үйлердің бірінде 57 жастағы Г.есімді азамат ұсталды.
30 жыл бұрын 135-бап бойынша сотталған едім. Қазір наша шегемін. Үйде өзім үшін өсірдім, шектім,
дейді Г. деген азамат.
Күдіктінің үйінен 24 келіге жуық марихуана есірткісі табылды.
Күдіктінің үйінен рұқсат етілген тінту кезінде жалпы салмағы 23 келіден асатын марихуана есірткісі табылып, тәркіленді. Үйдің іргесіндегі аумақтан да өзі өсірген 6 түп қарасора табылды,
дейді Экстремизмге қарсы күрес басқармасының бастығы Мәулен Қасымжан.
Бұл жағдай бойынша ҚР ҚК-нің 297-бабы 1-тармағына сәйкес сотқа дейінгі тергеу амалдары басталды.
Тергеу ҚР ҚК-нің 300-бабы 1-тармғы (Құрамында есірткі заттары бар өсімдіктерді заңсыз өсіру) бойынша қосымша қылмыстық іс қозғау туралы мәселені шешіп жатыр.
