Қазақстанда заң жоқ. Болса да тек кедей-кепшіктерге ғана қолданылады.
Алматыда миллионерлер Бахаридин Әбләзімов пен Дінмұхамед Ыдырысовтың ұлдарының төбелесіне араша боламын деп, белгілі актер 6 жылға сотталып кетті.
Естеріңізге сала кетейік, 2022 жылдың 28 желтоқсанында Алматыдағы Little Brazil караоке-барына жаппай төбелес болған. 9 қаңтарда әлеуметтік желіде мекеме әкімшісі мен диджей болған оқиғаның мән-жайын баяндап, бейнежазба жариялады. Олардың айтуынша, төбелес шығарғандар өздерінің олигархтардың ұлдары екенін айтқан. Олар өздерін агрессивті ұстаған және караоке қызметкерлеріне бірінші болып шабуыл жасаған, сонымен қатар олармен бірге жеке күзетшілер де болған.
23 пен 29 жас аралығындағы жігіттер ҚР Қылмыстық кодексінің 293-бабының 3-бөлігі «Атыс және газды қаруды қолдана отырып жасалған ұсақ бұзақылық», ҚК-тің 106-бабының 2-бөлігі «Денсаулыққа қасақана ауыр зиян келтіру», ҚК-тің 107-бабының 2-бөлігі «Екі немесе одан да көп адамға қатысты денсаулыққа қасақана ауырлығы орташа зиян келтіру» бойынша қылмыстық құқық бұзушылықтарды жасағаны үшін кінәлі деп танылды.
Нәтижесінде сот мейрамхананың бес күзетшісін, диджей және мекемеге келуші қонақты 6 жылға бас бостандығынан айырды.
БАҚ-тағы ақпаратқа сүйенсек, полицияға тек миллионер Бахаридин Әбләзімовтің ұлы Нұрмұхамет Нұғманов пен оққағарлары ғана шағымданған.
Жаңа Қазақстан деп жар салғанымыз болмаса, әділеттілік әлі орнаған жоқ. Сот жүйесі әлі де жемқорлыққа батып отыр. Төбелесті шығарған олигархтардың балалары құтылып, қарапайып жұмысшылар сотталып кеткені біздің қоғамның нағыз келбетін ашты.
Сотталғандардың ішінде танымал актер Асқар Жұмабеков те бар. Желіде тараған видеодан актердің төбелеске еш қатысы жоқ екенін байқауға болады.
Ол жерде менің ешқандай кінәм жоқ. Мен ажыраттым. Ешкіммен төбелескен жоқпын, құрметті Президент. Ол жерде Ыдырысов, Әблязимов, Бахредин деген кісілердің ұлдары болып отыр. Сол себепті кімге барып көмек сұрасаң да, басын алып қашады. Себебі қорқады. Мына видеоны өзім түсіріп отырмын. Өйткені басқа мүмкіндік қалмады, құрметті Президент. Барынша көмек беруіңізді өтініп сұраймын сізден!
Сонда байдың ұлы аспан тіреп тұр ма? Зорлану, адам өлтіру, әйеліне күш көрсеткендерге неге осылай жаза қолданылмайды? Әділдік деген осы ма?
