«Алтын орда» базары маңындағы жолды күрделі жөндеу және кеңейту жұмыстарының 90%-і орыналды. Бұл туралы «ҚазАвтоЖол» ҰК» АҚ басқарма төрағасы Мейірхат Қасымбаев мәлімдеді.
Алматы жанындағы «Алтын орда» базарың маңындағы жолды күрделі жөндеу және кеңейту жұмыстарының 90%-і орындалды.
Келісім бойынша, жұмыс 1 қарашада бітуі керек еді. Бірақ біз жұмыс күшін арттырдық. Бас мердігер қыркүйек айында негізгі бағытты бітіріп, көлік қозғалысын ашу үшін қазір барлық қажет резервтерін қосып жатыр,
деп жазды «ҚазАвтоЖол» басқарма төрағасы Мейірхат Қасымбаев өзінің Instagram-парақшасына.
Еске салайық, 2017 жылы Алматыда «Алтын Орда» базары маңындағы жолды кеңейту және күрделі жөндеу жобасы жасалғаны хабарланған еді. Дегенмен жұмыстың басталу уақыты үнемі кешіктірілді. Былтыр желтоқсан айында жаңа жол біржола ашылғанымен, биыл жаздың өзінде қала тұрғындары жөндеу жұмыстарының сапасыз жүргізілгеніне шағымдана бастады. Осы себепті «ҚазАвтоЖол» жөндеу жұмыстарын қайта жүргізуді ұйғарды.
