Жаңа жұмыстың авторлары бұлшықет массасын өсіруге көмектесетін генді тапты. Ол физикалық жаттығулармен белсендіріледі.
Мельбурн және Копенгаген университеттерінің зерттеушілері әртүрлі жаттығуларға дейін, кезінде және одан кейін бұлшықеттердегі молекулалық реакцияларды зерттеді.
Зерттеушілердің айтуынша, олар тіпті жаттығуларсыз емдеудің балама әдістерін ашуға көмектесетін ген тапты.
Әр түрлі жаттығулар кезінде және одан кейін гендер мен ақуыздардың қалай белсендірілгенін анықтау үшін авторлар әртүрлі жаттығулар кезінде адамның қаңқа бұлшықеттерін талдады, дейді зерттеудің жетекші авторы доктор Бенджамин Паркер.
Команда әр түрлі жаттығулардан кейін бұлшықеттердегі сигнал реакцияларының қалай өзгергенін, сондай-ақ әртүрлі адамдарда бұл өзгерістердің қаншалықты дәйекті болғанын талдады.
Осыған сүйене отырып, олар бұрын есепке алынбаған C18ORF25 генін анықтады. Ол бәрінен де жиі іске қосылып отырған.
Оның жұмысын тексеру үшін команда осы генсіз тышқандарды жасап шығарған. Нәтижесінде оларда бұлшықет талшықтары жетіспеген. Бұл бұлшықеттердің әлсіреуіне және физикалық көрсеткіштердің төмендеуіне әкелді. Және, керісінше, осы геннің белсенділігін арттырған кезде жануарлардың бұлшықеттері күшейе түскен.
Бұл зерттеу жұмысы бұлшықет атрофиясымен күресуге, созылмалы аурулардың, соның ішінде қант диабеті, жүрек-тамыр аурулары және көптеген қатерлі ісік ауруларының алдын алуға және емдеуге көмектеседі дейді авторлар.
