Әділдік жолы дейтін республикалық қоғамдық бірлестіктің атқарушы директоры Дидар Смағұлов «Аманат» партиясынан кімді көргісі келмейтінін және ол партия кімнен «құтылуы» керек екенін жазып жіберді.
Жылдар бойы билікте болып, қара басының қамынан басқаны ойламай, заңдарды бұзып келгендерден бастау керек дейді.
Түркістан қаласының мәслихатына «Аманат» партиясынан кандидат болып
тағы да Айгүл Тілепова сайлауға түсіп алыпты.
бұл кісі өзі бұрын да VII шақырылымда қалалық мәслихатта депутат болғаны аздай.
Дидар Смағұловтың білуінше, «Тілінде ауыр кемістігі бар балаларға арналған облыстық арнайы мектеп-интернаты» коммуналдық мемлекеттік мекемесінің басшысы Айгүл Тілепова үш жыл бойы (2018, 2020, 2021) өзінің 1999 (!) жылы туған ұлымен мемлекеттік сатып алу туралы келісімшарт жасасқан.
Ғимаратты жалға алу туралы келісімшарт екен.
Осылай баласының шотына мемлекеттің 34 миллион теңгеге жуық қаражатын аударып жіберіпті.
Ұлының шынымен бірдеңені жалға бергені не бермегені белгісіз.
Сол бір тоймайтын Тілепова әлі де билікте қалғысы келіп, партияның атынан мәслихатқа депутат боп алайын деп жүр екен,
дейді.
