«Ұлымды ересектер өлтірді», — дейді баланың ата-анасы.
Ақтөбе облысында 14 жасар баланың өліміне қатысты ата-анасы жіті тергеу жүргізуді талап етіп отыр. Бұл туралы КТК арнасы хабарлады.
Қайғылы оқиға Шалқар ауданындағы Айшуақ ауылында болған. Марқұмның әкесі, баласын 11-класс оқушылары тепкіледі деп отыр. Салдарынан бала қайтыс болған.
Алайда полицейлер марқұмның денесінде ұрып-соғу белгілері болмағанын мәлімдеген. Ата-ана бұған сенбейді.
Менің баламды бар пәрменімен тепкен. Сол тепкен бойда тізерлеп отырып қалған, құлаған. Сол арада тіл тартпай кеткен, балам. Қасындағы балалары бетіне қар шашқан. Болмаған соң, сол көшедегі медбикенің үйіне көтеріп апарған. Осыған байланысты қасақана өлтірген балама қатысты іс-шара қолдануды сұраймын. Ешқандай, еш жерде есепте жоқ.
дейді әкесі Руслан Жалмұратов