Астана полициясына елорда аруы хабарласып, алғаш рет жігітпен кездескеннен кейін оның «iphone»ұялы телефоны жоғалып кеткені туралы хабарлаған.
Қыз жігітпен бірге қонақ үйде болған. Жігіт қызды ұйықтатып тастап, телефонын ұрлап қашып кеткен.
Ұйқыдан тал түсте оянған қыз, жанында не жігіт жоқ, не телефоны жоқ екенін байқап, ойбайлап жылап полиция шақырған.
«Сарыарқа» аудандық полиция басқармасының қызметкерлері жедел-іздестіру іс-шараларын өткізу кезінде елорда тұрғынын ұстады.
Осы факті бойынша ҚР ҚК-нің 188-бабы «Ұрлық»бойынша сотқа дейінгі тергеу жүргізілуде.
Астана қаласының полиция департаменті азаматтарға заттарын қараусыз қалдырмауға ескертеді.
