Алматы қаласының әкімі Ерболат Досаев Жетісу ауданы тұрғындарымен жүздесті.
Жергілікті халықпен кездесуде егде тартқан тұрғынның бірі Көкмайса ықшам ауданына бұрынғы “Дорожник” атауын қайтаруды сұрады. Сөзінше бұл атау Кеңес Одағы тұсында министр болған Леонид Гончаровты еске салады екен.
“Дорожник” деген атауды қандай себеппен Көкмайса деп ауыстырғанын түсінбеймін. Мұның бізге қандай қатысы бар? Дорожник ықшам ауданы Кеңес Одағы тұсында дүркіреп тұрған орталықтың бірі еді. Бірақ ашкөздер біздің министр Леонид Гончаровты Брежневке шағымдану арқылы кетірмек болды. Содан да болар бұл атау министрді бізге еске салады,
деді тұрғын.
Дей тұрғанымен әкім қарт кісінің аяқасты қойылған ұсынысын қабылдамайтынын айтты. Тіпті әлгі тұрғын сөзіне қол соққан өзге азаматтарға да бұл мүмкін емес екенін естеріне салды.
Ұсынысыңызды тыңдадым. Мұнда қол шапалақтаған азаматтарға қарап Кеңес Одағын аңсайтынын түсіндім. Бірақ мұнымен мен келісе алмаймын. Жақсы болсын, жаман болсын бір-бірімізге құрметпен қарайық. Мұнда кімдердің қол соғып отырғандарын да анық байқадым,
деп түйіндеді Досаев жауабын.
