Талибан көшбасшысы Хайбатулла Ахундзада ауған судьяларына шариғат заңдарына сәйкес жаза тағайындау тәжірибесін енгізуді бұйырды. Тонау, ұрлау және бүлік шығару сияқты қылмыстар үшін кінәлілер аяқ-қолдарын көпшілік алдында кесіп, таспен жазаланады, деп хабарлайды BBC.
Талибан баспасөз хатшысы Забихулла Муджахид бір күн бұрын өзінің Twitter парақшасында судьяларға қылмыс құрамындағы қасиетті ислам заңдарын бұзу белгілерін мұқият анықтау тапсырылғанын жазды. Бұл әсіресе ұрыларға және бүлікшілерге қатысты, делінген хабарламада.
Шын мәнінде, талибандар жаңа ештеңе енгізбейді, тек 1996-2001 жылдары билікке келгеннен кейін ұстанған тәжірибеге оралады. Сол уақытта олар қоғамдық өлім жазасын енгізген еді.
Жалпы, Ауғанстандағы зорлық-зомбылық деңгейі 20 жыл бойы болған шетелдік контингент шығарылғаннан кейін төмендеді.
