Жылқы еті бір жылда 15 %-ға қымбаттаған. Қазағымыз көп жейтін сиыр еті 7% қымбаттады.
2022 жылдың қыркүйегінде ҚР қалаларында сүйегі бар сиыр етінің бөлшек саудадағы килосы орташа есеппен 2387 теңге, қой еті 2660 теңге, шошқа еті 2033 теңге, жылқы еті 2932 теңге болды.
ҚР үй шаруашылықтарында ет тұтынуы бірінші жартыжылдықта 2021 жылдың сәйкес кезеңімен салыстырғанда 2,6% өсіп, орта есеппен жан басына шаққанда 19,5 кг құрады. Бұл ретте ауылдық жерлерде орта есеппен жан басына шаққанда 20,9 кг ет (2,4% көбейген), қалалық жерлерде 18,5 кг 2,9% көбейген) тұтынылған.
2022 жылдың қаңтар–маусым айларында Қазақстанда ет тұтынудың негізгі көлемі сиыр етіне тиесілі: орта есеппен жан басына шаққанда 12 кг — 2021 жылдың бірінші жартыжылдығымен салыстырғанда 2,1% артық. Одан кейін жылқы еті мен қой еті келеді: сәйкесінше 3,2 кг және 2,6 кг. Шошқа еті орта есеппен жан басына шаққанда 1,7 кг болды.
Биылғы қыркүйек айының қорытындысы бойынша, ет бағасы түрлеріне қарай бір айда 0,6%-дан 1,8%-ға дейін, бір жылда 7%-дан 15%-ға дейін қымбаттады.
Сүйегі бар сиыр етінің бағасы бір айдың ішінде айтарлықтай өсті — 1,8%. Шошқа еті 1,5%, жылқы еті 1,3% қымбаттады. Қой етінің бағасы ең аз қымбаттады — 0,6% ғана.
Жылдық динамика бойынша жылқы еті айтарлықтай қымбаттады — 15%. Қой мен шошқа еті 12,7%, қазақстандықтар көп жейтін сиыр еті 7% қымбаттады.
Биылғы қаңтар–тамыз айларында ірі қара, шошқа, қой, ешкі, жылқы және жылқы тектес жануарлардың жас немесе тоңазытылған етін өндіру 46,8 мың тоннаны құрады, бұл өткен жылдың сәйкес кезеңімен салыстырғанда 8,7% көп.
Анықтама үшін: 2021 жылдың қаңтар–тамыз айларында сектордағы өнім 4,6% төмендеген еді.
