Кремль ресейліктердің Қазақстанда болу шарттарын қатаңдатуда қандай рөл атқарғаны белгісіз, бірақ фактіге ешкім қарсы шыға алмайды. Қазақстан үкіметі ресейліктердің елге келуін түбегейлі қиындатып, ҚР аумағында іс жүзінде шектеусіз жүру мүмкіндігін жойды. АҚШ-тың маңызды басылымы Washington Post (WP) осы тақырыпқа мақала арнады.
WP Қазақстаннан жаңалықтарды жариялап қана қоймай, болып жатқан оқиғалардың мәнін түсіну үшін сарапшыларды да тартты.
Сөзбе сөз:
«Бұл шара ресейліктерге көбірек әсер етеді. Визасыз режимді қайта қарау олардың Қазақстанда ықтиярхатсыз ұзақ тұруына жол бермейді».
Қазақстан үкіметі ресейлік мигранттардың мемлекеттік ресурстарға ауыртпалық түсірмеуі үшін жұмыс істеуде.
Егер оларды құқықтық және еңбек саласына біріктірмесе, олар болашақта әлеуметтік проблемаға айналуы мүмкін,
дейді саясаттанушы Дионис Ценуса, Литваның «Шығыс Еуропалық зерттеулер орталығы» талдау орталығының қызметкері.
Ресейдің әсері?
Кремль өзгерістерді енгізу жөнінде қандай да бір рөл атқарғаны белгісіз.
Соңғы кездері Мәскеу азаматтарының елден жаппай кетуімен қалай күресуге болатындығы туралы ойлана бастады. Айта кету керек, Ресей азаматтарының елден кетуі әскери жұмылдыруға дейін басталды, өйткені соғысқа байланысты батыстық санкциялар өмірлерін қиындатты, соның ішінде халықаралық бағыттарға рейстерді қысқарды және көптеген қаржылық операциялар тоқтады.
Қазан айында Қазақстан Ұлттық Банкі Ресейден Қазақстанға ақша аударымдарының көлемі бір жыл бұрынғы кезеңмен салыстырғанда 13 есе өскенін хабарлады.
Ресей парламентінің төменгі палатасы Мемлекеттік Думасының спикері Вячеслав Володин жақында елден кетіп, соғысты сынаған ресейліктерді олардың мүлкін тәркілеу арқылы жазалауды ұсынды.
Кетіп қалған қаскөйлер біздің еліміздің арқасында жайлы өмір сүріп жатыр,
деп жазды Володин өзінің Telegram арнасына.
Қарым-қатынастың салқындауы
Қазақстан дәстүрлі түрде Ресейдің ең жақын одақтастарының бірі болды, бірақ Украинаға басып кіргеннен кейін Мәскеуден алыстап, Қытаймен, Түркиямен және Батыспен тығыз байланыс орнатуға ниет білдірді. Соңғы айларда Қазақстан шенеуніктері Украинадағы соғыс туралы ашық айта бастады.
Ресей Еуропаға мұнай мен газ жеткізуге қысым көрсетуге ұмтылған кезде, Астана Еуроодақпен және Батыспен өзінің энергетикалық ынтымақтастығын кеңейту жөнінде қадамдар жасады. Біріккен Ұлттар Ұйымындағы соғыс туралы бірнеше дауыс беруде Қазақстан Ресей жағында емес, қалыс қалуды жөн көрді.
Ал маусымда жыл сайынғы Санкт-Петербург Халықаралық экономикалық форумы кезінде Қазақстан президенті Қасым-Жомарт Тоқаев оның елі Украинаның шығысындағы Луганск және Донецк халық республикаларының – сепаратистік мемлекеттердің тәуелсіздігін мойындағысы келмейтінін мәлімдеді.
Жақында Тоқаев Путиннің Украинаның төрт аймағын қосып алғанын айыптады.
Салмақты тәсіл
Қыркүйектегі жұмылдырудан кейін Қазақстанға бірнеше жүз ресейліктің ағылып келуі кезінде Тоқаев оларға гуманитарлық көмек көрсетуге уәде беріп қана қоймай, қашқындар «шарасыздықтан» Ресейден кетуге мәжбүр болды деп мәлімдеді.
Бірақ сейсенбіде жарияланған жаңа шектеулер іріктеуді білдіретін сияқты, осылайша Тоқаев «Сақтықта қорлық жоқ» деген позицияны таңдауы мүмкін.
