Қытай әуе компаниясы 21 тамыздан бастап жаңа бағыт бойынша тұрақты жолаушылар рейсін ашуды жоспарлап отыр.
Қазақстанның Азаматтық авиация комитеті Қытай Халық Республикасының авиациялық билік органдарымен бірлесе отырып, екі ел арасындағы тұрақты жолаушылар рейсін арттыру мәселесін пысықтады.
Қытайдың Air China әуе компаниясы 2022 жылғы 21 тамызынан бастап Нұр-Сұлтан-Чэнду жаңа бағыты бойынша аптасына бір рейс жиілігімен жексенбі күндері А320 типті ұшақтармен тұрақты жолаушылар рейсін орындауды жоспарлап отыр,
деп хабарлады ведомство.
Қазақстан мен Қытай арасындағы әуе қатынасының артуы екі ел арасындағы сауда-экономикалық, инвестициялық, туристік және мәдени ынтымақтастықтың дамуын жеделдетеді.
