Қарағанды облысындағы «Қазақстан» шахтасында қаза болған кеншілердің аты-жөні белгілі болды. Ол 1965 жылы туған Слюньков Виталий Владимирович (жерасты электр слесарі, 5-санат, еңбек өтілі 39 жыл). Екінші кеншінің аты-жөні әлі белгісіз. Қазір мәйітті беру жұмыстары жүріп жатыр.
Қалған жұмысшыларды іздестіру жұмыстары әлі жалғасып жатыр. Бұдан бұрын бес жұмысшының іздестіріліп жатқаны хабарланған еді.
Айта кетейік, 17 тамыз күні сағат 10:05-те «АрселорМиттал Теміртау» АҚ КД «Қазақстан» шахтасында Д6 (горизонт – 170 м) көмір еңісінің қазбасында конвейер таспасы өртенді.
Қазақстанда қазақтарды шахтада құл қылып, бар байлықты Индияға 30 жыл бойы тасыған мына миттал-иттал сияқты иттерден қашан құтылар екенбіз?
деп жазды журланист Сәуле Әбілдаханқызы.
Мемлекет басшысы «Қазақстан» шахтасында болған өртке байланысты Үкіметке және Қарағанды облысының әкімдігіне апат себептеріне жан-жақты тергеу жүргізу, сондай-ақ зардап шеккендерге қажет барлық көмекті көрсету жөнінде тапсырма берді.
Үкіметке осы кәсіпорынға иелік ететін шетелдік компаниямен жұмысшылардың қауіпсіздігін мүлтіксіз қамтамасыз ету жөнінде келіссөздер жүргізу тапсырылды. Шетелдік компанияға тиесілі кәсіпорындарда жиі қайталанатын апаттар олардың инвестициялық және өзге де міндеттемелерін өрескел бұзғанын көрсетеді. Аталған жағдайлар олардың Қазақстан нарығында қызмет етуіне қатысты шешім шығаруға ықпал етеді.
