2022 жылы 1465 адам жұмыс орнында қызметін атқару кезінде зардап шекті. Оның 203-і қаза тапты. Бұл туралы Еңбек министрлігі хабарлады.
Ведомствоның мәліметінше, өндірістік жарақат алғандар мына қалаларда көп: Қарағанды (180 адам зардап шекті), Шығыс Қазақстан (169), Қостанай (142), Павлодар (112), Ақтөбе (103) және Алматы (114).
Экономика салалары бөлінісінде зардап шеккендердің ең көп саны тау-кен металлургия кешені кәсіпорындарында (16,2%) және құрылыс саласында (15%)байқалады.
Жазатайым оқиғаларға әкеп соққан негізгі себептер:
- жәбірленушінің өзінің өрескел абайсыздығы (33,9%);
- жұмыс жүргізуді қанағаттанарлықсыз ұйымдастыру (29%);
- автожол жүрісі қағидаларын бұзу (9,4%);
- еңбек қауіпсіздігі және еңбекті қорғау қағидаларын бұзу (7,8%) болды.
Еске салайық, кейінгі бес жылда еңбекті қорғау саласында мемлекеттік органдар мен жұмыс берушілер қабылдаған кешенді шаралар Қазақстандағы өндірістік жарақаттану деңгейін 6,5%-ке төмендетуге мүмкіндік берді.
