Төтенше жағдайлар министрлігі қазақстандықтарды ведомствоның жұмысымен таныстыратын тарихи бөлім ашқан. Бөлім қызметкерлері өткен ғасырдағы өртке қарсы қызметтің жұмысын көрсететін мұрағат суреттері мен мұражай жәдігерлерін ұсынды.
Жарияланған суретте Ақтөбе облысы мен Семей қаласының өрт сөндіру командасы түсірілген.
Ат бөшке жүрісі алғашқы өрт сөндіру машиналары пайда болғанға дейін өрт сөндірушілерге қызмет еткен. Өрт орнына келген кезде команда сорғыны арбадан алып тастап, «сорғыш жеңқұбырды» су көзіне немесе бөшкеге түсіріп, суды қолмен сорып алатын болған. Сонымен қатар, арбада үнемі ұзын тұтқасы бар ыдыс болған, бұл су қоймасынан бөшкеге суды тез алуға мүмкіндік берген. Ат бөшке жүрісінің жиынтығында заманауи сиренаның өзіндік аналогы — қоңырау да болған,
деп жазды ТЖМ.
Ат-бөшке жүрісінің сыйымдылығы 392 литр, жүктелген салмақ 760 кг, максималды жылдамдығы сағатына 12-15 км болған.
Ат-бөшке жүрісі — өрт орнына өрт сөндірушілерді, су бөшкелерін, өрт сорғысын, жабдықтарды және басқа да керек-жарақтарды жеткізетін ат арба.
