Брендтер арасында Chevrolet сегізінші ай қатарынан көш бастап тұр.
Осы жылдың қазан айында Қазақстанда 9 870 жаңа жеңіл жеңіл автокөлік пен 865 коммерциялық автокөлік сатылды, бұл өткен жылмен салыстырғанда 4,9%-ға көп, деп хабарлайды Stan.kz ақпарат агенттігі.
Қазақстанның автобизнес қауымдастығының мәліметінше, он айда елімізде 97 737 көлік сатылса, былтыр 96 848 көлік сатылған.
Брендтер арасында Chevrolet сегізінші ай қатарынан көш бастап тұр – 3 137 бірлік. Одан кейін Hyundai мен Kia келеді. Chery автокөліктері қазан айында алғаш рет төртінші орынға көтерілді – 670 бірлік. Одан әрі тізімде: Toyota, Exeed, Lada, JAC, Lexus және Haval.
Қазан айының қорытындысы бойынша көп сатылған автокөліктер:
- Chevrolet Cobalt – 2 193 бірлік;
- Hyundai Tucson – 976;
- Chevrolet Nexia – 729;
- Kia Ceed – 484;
- Toyota Land Cruiser Prado – 416;
- Chery Tiggo 7 Pro – 376;
- Kia Sportage – 264;
- Hyundai Accent – 264;
- Hyundai Elantra – 243;
- Kia K5 – 227.
Он айдың қорытындысы бойыншаChevrolet тізімді бастады – 27 622 бірлік, екінші орында Hyundai – 22 435 бірлік, Kia үздік үштікті түйіндеді — 11 135 бірлік. 2022 жылы ең көп сатылатын ТОП 10-ға Toyota, Lada, Chery, JAC, Lexus, Renault және Exeed кіреді.
