Нұр-Сұлтанда ҚР премьер-министрінің орынбасары — Сыртқы істер министрі Мұхтар Тілеуберді Андорра Сыртқы істер министрі Мария Убахпен келіссөздер өткізді.

Бұл Мария Убахтың біздің елге алғашқы ресми сапары. Тараптар Қазақстан мен Андорраның екіжақты ынтымақтастығы тұрақты, үдемелі сипатқа ие және сындарлы, өзара тиімді ынтымақтастықты дамытуға бағытталғанын атап өтті.

Ең озық және перспективті бағыт туристік сектор болып табылады. Қазақстан мен Андорра халықаралық құрылымдарда бір-біріне өзара қолдау көрсетеді, Еуропа кеңесі парламенттік ассамблеясы мен ЕҚЫҰ ПА алаңдарында парламентаралық байланыстарды дамытады.

Келіссөздер қорытындысы бойынша министрлер визалық талаптардан өзара босату туралы келісімге қол қойды, бұл біздің елдеріміз арасындағы бірінші үкіметаралық келісім болды.

Андорра князьдігі — теңізге шыға алмайтын және ЕО-ға кірмейтін Еуропаның ергежейлі мемлекеттерінің бірі. Ол Франция мен Испания арасындағы Шығыс Пиренейінде орналасқан.