Бірнеше апта бұрын Қазақстаннан Ресейге депортацияланған Ресей Федералдық қауіпсіздік қызметі (ФСБ) офицерінің әйелі Франциядан саяси баспана сұражы. Себебі ол өзінің және балаларының Ресейге депортациялануы мүмкін екеніне қауіптенеді.
Екатерина Жилина «Азаттық Радиосына» балаларын алып, Қазақстаннан Парижге кеткенін, ол жақтан саяси баспана сұрағанын айтты. Қазақстанда жүрген ресейлік журналист Евгения Балтатарова Telegram арнасында Қазақстанның прокуратурасы Францияға кеткелі жатқан Жилинаға ерекше қызығушылық танытқанын хабарлады.
Михаил Жилин Ресей президенті Владимир Путин мобилизацияға жариялағаннан кейін отбасын Қазақстанға жіберген. Кейін 36 жастағы офицер отбасының артынан келген, дегенмен паспорты жоқ болған соң шекараны орман арқылы заңсыз кесіп өткен.
Жилин Қазақстаннан саяси баспана сұраған, бірақ оның өтініші қабылданбаған. Кейін оны Қазақстан Ресейге депортациялаған.
Жилин Новосибирскідегі ФСБ арнайы байланыс және ақпарат басқармасында ауысым бастығы болып жұмыс істеді және Путиннің Сібір федералды округінің аймақтарымен байланысына жауапты болды.
Қашқаннан кейін Ресей Жилинді «қашу» және «Ресей Федерациясының Мемлекеттік шекарасын заңсыз кесіп өту» баптары бойынша халықаралық іздеуге жарияланды.
Жилинді 26 қыркүйекте Қазақстанның Абай ауданындағы шекарашылар ұстады.
Жилиннің әйелі күйеуі Ресейде азапталуы мүмкін деп қорқады. Ол кінәлі деп танылса, 15 жылға дейін бас бостандығынан айырылуы мүмкін.
